L'Oppidum de Berniquaut es lo breç del vilatge de Sorese, e la Capela Sant Jacmes, una de las primièras gleisas romanas sul plan d'Arfons, a l'Oest de la Montanha Negra. Camins de randolada passan per aquels sites; son presentats aicí perqu'èran plan coneguts pels aujòls.

Un clic sus las fòtòs, e s'espandirán

Sorese vista del Roc Ponchut, al dessus de la bòria de Berniquaut (Bruniquèut), als Blaquièra dempei lo XVII°s. D'autres aujòls i èran boratièrs; Marta ARIBAUD (SOSA n°175, G8) i es mòrta lo 21 de Decembre de1828 a 43 ans.

 

Vista de la cresta e del camin talhat que mèna a l'oppidum de Berniquaut, prèsa dempuei lo Roc Ponchut, que fasiá division dels consolats de Sorese e Durfòrt.

 

Dempei l'oppidum, òm vei lo Roc Ponchut en sobat (mai negre), e al luenh, dins la part esquèrra de la fòtò, lo Bassin de Sant Fereòl.

 

Masièras d'un ostal gallò-roman, a l'oppidum de Berniquaut. Al reire plan, un autre apend de la Montanha Negra, dins la comuna de Durfòrt.

 

Marcas de carris gallò-romans dins la calada del camin de cresta, d'autan de l'oppidum. Aqui comença la part nauta e mai planièra de la comuna de Sorese, s'espandissent cap al plan d'Arfons. Lo camin mèna a la Capela Sant Jacmes.


Subre bèl fau (Fagus sylvatica L.) de mai de 400 ans, plantat al pè de la Capela St Jacmes. Es marcat sus las cartas, de tant qu'es bèl.

 

Masièras de la Capela romana Sant Jacmes. Es massiva e de pichona dimension. Om pòt remarcar las pilas que limitan lo còr. Mai d'uns aujòls i foguèron enterrats, e dins lo cementèri alentorn (familhas Borèl, Pujòl...).

Tornam a Sorese, vista d'autan, suls prats de la bòria de Limotges, detenguda per nòstres aujòls LAUGER dempei lo sègle XVIII°. Aquelas terras èran travalhadas per la familha dempuei la fin del sègle XVI°.

Fòtòs de Laurenç JM Thuriès, copyright © 2000-2010.