En mai de las recercas genealogicas, me mainèri tanben de l'istòria de las familhas, çò que se dis abitualament las 'istorietas' o 'l'istòria pichona'.

Comprene la vida dels nòstres aujòls onorables es fòrça agradiu.

Mai d'una sorga de documents podon far entrevéser bric per bric lor biais de vida. Cal pas oblidar lo fum d'entre-senhas que l'òm pòt trobar dins los archius notarials. Los actes de maridatge, los testaments, las donacions, los inventaris aprèp decès, los partiments entre eiretiers..., dintran dins las familhas. Om dèu pas, tanpauc, negligir los actes de vendas de bens, las gasalhas, las bosigadas, las procuracions pels desplaçaments, las reconeissenças senhoralas...

Amb tot aquel material, es de bon far per se tornar metre dins lo context istoric local e nacional. Tanben, òm pòt imaginar lo biais de pensar d'una persona. Per exemple, qualqu'un que vend e crompa mai rapidament que los autres podiá plan esser estat un entrepreneire, o un 'especulator'...

Un exemple de l'utilisacion de recercas d'aquela mena es balhat sus la pagina seguenta.