Sorese

D'autres sites plan bons son dedicats al vilatge de Sorese e son Abadiá-Escòla. Alavètz, traparètz aicí quicòm mai.

Aicí, qualquas marcas "genealogicò-geograficas" son balhadas. A partir de la legenda de la carta, podrètz veser las fòtòs dels lòcs plan coneguts o construits pels aujòls.

Grimalh (XVII°s)
Blaquièra 
en B, ostal ocupat 
dempuei lo XVI°s
autres : XVII-XVIII°s
Bochard (XVIII°s)
Glaiel (XVII°s)
Faucher (XVII°s)
Lenhas (XVII°s)
Cloquièr St Martin, 
Abadiá- Escòla



Un clic sus las fòtòs, e s'espandirán

Grimalh (XVII°s)

Ostal gròs dels notaris Grimalh aligats als autres notaris, los Blaquièra. Se trapa al canton de la carrièra del Maquis, anciana Carrièra de Castras, e de la carrièra Serres, anciana Carrièra de la Muralha.

Blaquièra

Ostal vielh dels Blaquièra; i e demòran encara de descendents de Sicard Blaquièra. Se trapa sus la plaça centrala Dom Devic, del nom d'un benedictin qu'era a l'abbadiá e qu'a escrit amb Dom Vaisseta la monumental Istòria de Lengadòc, LA referença. L'ostal es en corondatge e es remirat per totes. Se trapa al canton de la Carrièra Ferlus, anciana Carrièra d'en Galaubi, e de la Carrièra Balette, anciana Carrièra del potz novel.

Lenhas  (XVII°s)

Ostal d'una familha de tinturièrs e de notaris, dont M° Ramond Lenhas que fòrt probablament a vendut son ofici a M° Peire Blaquièra, alentorn de 1610. Aquela façada, benlèu la mai polida del vilatge, es emplaçada al pè de l'Abadiá-Escòla. D'amics i demòran.

Cloquièr St Martin, Abadiá- Escòla

Vista del cloquièr Sant-Martin, dempuei la Carrièra del Cloquièr. Al fons se vei un ostal de corondatge, coma n'i a tantes a Sorese. Al temps de la fòtò, la carrièra veniá s'esser caladada; òm pòt l'apelar la Calada Sant Martin.

Lo cloquièr Sant-Martin de Sorese es tot çò que demòra de l'anciana gleisa Saint-Martin, a costat de l'abadiá Nòstra Dòna de la Sanha, aprèp la prèsa pels protestants en 1573. Los papistas e los uganauts an sauvat lo cloquièr perqu'èra una superba tor de garda. Se vei de tota la plana de Revel, avèm pas besonh de dire qu'èra un punt estrategic! Lo cloquièr es a 10m de l'ostal Lenhas.

Fòtòs e carta de Laurenç JM Thuriès, copyright
© 2000-2010 (tirat l'ostal Lenhas, se sap pas l'autor, e l'escut de la comuna de Sorese ).